يا ابن مصر وابن النيل .....
فى رحلة عمر طويله بدأوها جيران واخوان ...
لا حد فيهم فكر فى ملة ولا اديان ....
ولا قدر يفرق بينهم عدو على مر الزمان ...
ليه النهاردة كده... نسينا ورضينا الهوان ...
ايوه هو الهوان ...
ساعة مابينا يدخل عدو و ابن جبان ...
وبايدنا نساعده وننسى العشرة من زمان ...
نقوم ندمر وطن ونقتل الأنسان ...
وننسي ان العدو عايز كده يا اخوان ...
عمل عملته وساب فينا حقد بلا عنوان...
لامسلم كان سبب فيها ولا يقصد مسيحى كمان ....
مصر اللى فرض ربى امانها فى القران ....
ولما يوسف قال يا مريم ناخد الوليد نحميه فى اى مكان ...
ماكانش ده فكرهم كان وحى من الرحمن ....
تكون مصر حاضناهم وتحميهم من الرومان ...
عشان ماعيسي يعيش ويحارب الطغيان ...
مصر ياولادنا وطن .... محفوظ من الوغدان ...
جمعت عليها الملل و عاشت عليها أديان ...
لاعمر حد قال ده مسيحى ولا مسلم لأ انا انسان ...
ليه عايزنها فتنة تقوم فى كل مكان ....
ماهو اللى عملها عدو غدار وابن جبان ....
بس ياريت تفهموا قبل مايفوت الأوان ....
مساء ليلة 6 يناير 2011
ليست هناك تعليقات:
إرسال تعليق